Elastic Tie peysan sameinar notalega tilfinningu peysu og skuggamynd klassískrar blússu með háu hálsmáli. Hún er með hálsmáli sem er dregið saman með teygju og myndar þannig fellingar (darts).
Peysan á myndinni er sýnd með Almost Long buxum frá TAL.
Fyrirsætan er 170 cm á hæð og klæðist stærð S.
Erfiðleikastig: Miðlungs
Gerðu meira með þessu sniði
Leiktu þér með útfærslu hálsmálsins, td með kilt-pilsa nælu. Styttu ermarnar eða prófaðu ermalausa útgáfu. Lengra komnir geta mögulega breytt í kjól.
Þetta er pappírssnið og er vandlega pakkað í umslag ásamt samsetningarleiðbeiningum á ensku.
Finndu rétta stærð
Berðu líkamsmálin þín saman við stærðartöflu TAL.
Elastic Tie peysan er nær beinu sniði með hefðbundnu víddarrými (ease), því er best að styðjast við brjóstmál við val á stærð. Fellingarnar sem myndast við teygjuna virka eins og brjóstinntektir og hægt er að stilla lengd teygjunnar eftir þörfum.
Efnisþörf
Breidd 140–150 cm
XS–S 1,3 m / M–L 1,5 m / XL 1,6 m / 2XL 1,9 m / 3XL 2,0 m
Mælt er með miðlungsþykkum efnum, til dæmis bómullartvíli, denim eða léttum canvas.
Þú þarft einnig:
Tvinna, 0,5 m teygju sem er 3 mm breið, 10 cm faldborða (hemfix) - 2,5 cm breidd, og
0,5 m milliefni eða flíselín.
